係呢間學校教左一年中提琴,
全部都係一年級新生, 個個由初學開始.
佢地真係好自動自覺,
呢日學校提早左放學, 差唔多要等我半個鐘有多先上堂.
我一入到去就見佢地自己搬曬椅子開埋譜架,
個個企曬係度練琴!!! (除左最左邊果位唔合作)
呢間學校上嘅堂唔算多,
但有兩個拉琴醒目D嘅已經可以拉JS BACH 的小步舞曲!!
(進度仲快過D中學生!!)
其他嘅都學曬四條弦!! 可以完整拉到C MAJOR!!
其實學得好, 重要嘅係教得好之外,
係D家長有冇好好教佢地自律, 自動波練琴, 唔洗叫佢都得.
自律其實又歸於家長平時有冇好好教佢地日常生活中好多野都係要自己去做去學.
包括佢地嘅自理能力. 唔係屋企請得起工人個小朋友就可以咩都唔洗做,
淨係識讀書寫字, 精通百般舞藝但唔識綁鞋帶...
係呢間學校, 我睇到嘅係會專重老師嘅家長同十分自律嘅學生!!!
如果我有個囡, 我有比得起學費, 我絕對想我個囡讀呢間學校!!
相比起另一間係馬鞍山出名嘅小學到教,
佢地嘅學生都好叻, 但就缺乏左D自律, 變左唔係個個學生都有心機練琴.
再加上有唔少怪獸家長, 其中一個係頂級怪獸.
佢地嘅進度就變得好慢....
教呢間學校都幾大壓力.... 做呢間學校嘅老師仲辛苦!!
如果有一個怪獸家長黑名單你話幾好呢?? XDDDD
沒有留言:
張貼留言