亞視錄影

話說琴日比人邀請左我去亞視做兒童節目。
本身諗住去亞視咪即係做義工?? 問落先知原來無綫拍呢d節目都係冇錢收的。
不過佢地錄影時間可以就我，而做呢類節我又從未試過。
咁就膽粗粗去玩下啦！
呢個節目係要我介紹一下中提琴，做下示範同拉幾首歌比大家聽。
其實我唔係好識講野，好彩有個主持帶住我等我冇咁緊張!! 都唔洗NG好多次。
呢日係一次過拍曬4集嘅內容，每集大概講5到6分鐘，跟住再拉歌示範。
呢4集入面大概係講下咩係中提琴，點樣拉中提琴，有咩技巧同中提琴有咩特別咁。
好開心有人比左呢個機會我，我自覺我唔係講得好好，又唔係拉得好好。
只係用我係演藝學過嘅野同主要係教琴時學到嘅野黎講。
期待睇到自己係電視出現，但又擔心自己會好樣衰。